Comisión pola Recuperación da Memoria Histórica da Coruña

A ARMH carga contra o PP por non apoiar a retirada de honras a Fraga

A Asociación pola Recuperación da Memoria Histórica (ARMH) valorou que a Deputación de Lugo modificase o seu regulamento de honras e distincións para retirar a Franco as mencións que lle foron concedidas durante a ditadura, pero censurou que o PP non apoiase decididamente esa iniciativa.

O vicepresidente da ARMH, Marco González, afirmou que todos os partidos que se cualifican como democráticos" teñen que "demostralo cos seus actos". Nese sentido, subliñou que "aínda queda moito camiño por percorrer no PP" cando non é capaz "de censurar unha ditadura tan criminal como a de Franco" e os seus representantes non se sitúan claramente a favor de "retirarlle as honras" que aínda ostentaba na Deputación de Lugo.

Pola súa banda, a portavoz do PP, Elena Candia, explicou antes do pleno no que se modificou o regulamento que o seu partido adoptara esa decisión por "coherencia", porque a situación económica do país fai que este asunto non sexa "prioritario" neste momento.

Tamén lamentou que o Goberno provincial non exhibise a mesma "dilixencia" nas "demais áreas que xestiona".