Comisión pola Recuperación da Memoria Histórica da Coruña

A desvergoña histórica ha pasado hoxe polo Pleno do Concello de Madrid, que pisando a Memoria de España aprobou cos votos a favor do PP, o PSOE e UPyD e o rexeitamento de EU a proposta da alcaldesa, Ana Botella, de dar o nome de Manuel Fraga a unha rúa ou praza da cidade.

Esquerda Unida, que decidiu o seu voto na reunión do seu Grupo Municipal celebrada onte, non interveu para justificar a súa posición, aínda que o PSOE tentou justificar o seu voto a favor pedindo que se dese unha rúa a todos os artífices da Constitución do 78.

Pola súa banda, a alcaldesa Ana Botella dixo que dar a unha rúa o nome de Manuel Fraga "é render homenaxe á capacidade dos españois por superar as dificultades nun determinado momento histórico".

De Fraga destacou o seu "vocación se servizo público", a sua "capacidade de traballo" e a sua "maneira humilde" de vivir "desde o principio até o final da súa vida", que lle converteron, subliñou, nun "exemplo de conduta política e honorabilidade".

Tamén o portavoz de UPyD, David Ortega, destacou o papel que Manuel Fraga tivo na transición e como relatora da Constitución e defendeu que tanto el como Adolfo Suárez, Santiago Carrillo, Torcuato Fernández Miranda e Felipe González "son persoas principais que teñen que ter un recoñecemento" no rueiro de Madrid.

Un rueiro que a concelleira socialista García D'Atri cualificou como "espello da nosa historia".