Comisión pola Recuperación da Memoria Histórica da Coruña

Exercicio de decencia

O Concello da Coruña aprobou onte no pleno a eliminación dos símbolos do réxime franquista da cidade en aplicación da Lei da Memoria Histórica, tres decenios despois do final da ditadura. A retirada de 53 símbolos do franquismo, incluídas 22 rúas e a distinción de Fillo predilecto a Franco saíu adiante cos votos a favor do goberno bipartito formado por PSOE e BNG e coa abstención dos dez edís do grupo do PP, que cualificou este proceso de ?bufonada? feita de modo ?sectario e excluyente?. O bipartito local acusou á oposición de cobardía e hipocresía por escudarse nas formas e non querer abordar o fondo da cuestión.

A loita pola memoria histórica é o resultado dunha esixencia moral dos superviventes da derrota da Guerra Civil e das súas descendentes. En España arrastramos un déficit histórico que non se empezou a solventar ata fai moi pouco tempo coa aplicación da Lei da Memoria Histórica.

O da Coruña é un dos concellos de Galicia que máis simboloxía franquista mantén na actualidade, por iso, onte, na cidade herculina fíxose, aínda que con atraso, un necesario exercicio de decencia e memoria histórica. As críticas do PP local á medida aprobada polo goberno local carecen de fundamento algún, ademais de non contar co respaldo da maioría da cidadanía. A falta de responsabilidade social do PP coa restauración da memoria histórica non conmove os cimentos da cohesión social, xa que a superioridade moral da democracia fronte ao franquismo está totalmente asumida pola sociedade

Ao museo militar

O Concello confirmou onte que o seu ?intención? é trasladar a estatua de José Millán Astray ao Museo Militar. A figura do fundador da Legión abandonará a praza que leva o seu nome ?que tamén será retirado do callejero?, xunto ao cuartel de Atocha a partir da reforma do área da próxima praza de España. O Consistorio admite que non hai prazos para facer efectiva a retirada deste coruñés que apoiou activamente a Falange. O Concello reitera agora a posibilidade que xa apuntou fai dous anos o alcalde Javier Losada en declaracións á prensa. Con todo, o Museo Militar segue sen recibir ningunha comunicación oficial por parte do Concello sobre a posible incorporación da figura, ata despois de que o propio alcalde inaugurase fai uns meses a ampliación deste edificio situado na Cidade Vella..

Amosa a túa opinión sobre este artigo

Nome:
O teu correio:
Encabezamento:
Comment:
Código Antispam:
	Opinar Previsualizar

yvComment v.1.16.1