Comisión pola Recuperación da Memoria Histórica da Coruña

O «tipex» da «memoria histórica» fai furor no CSIC

Borrados dos edificios, con parches ou picaraña, as referencias a Francisco Franco





O frontal da fachada do Instituto de Física Aplicada «Torres Quevedo», utilizado polo Consello Superior de Investigacións Científicas (CSIC) e situado na madrileña rúa Serrano 144, tamén foi modificado, do mesmo xeito que o frontispicio do edificio central do CSIC, situado a escasos metros de separación do primeiro. O aparatoso andamiaje levantado en senllas fachadas destinouse única e exclusivamente a eliminar e tapar, respectivamente, as alusións a Francisco Franco, tal e como avanzaba onte ABC.

Hoxe os edificios amencían nos dous casos sen revelar tarefas de restauración xeral algunha, pero con substanciais modificacións. No caso das «Torres Quevedo» os operarios limitáronse a eliminar a palabra Franco dun frontal onde non se rexistraba ningunha clase de «exaltación» da Guerra Civil, da sublevación ou da ditadura; condicións «sine qua non», segundo o artigo 15.1 da chamada lei de «memoria histórica», para suprimir «escudos, insignias, placas e outros obxectos ou mencións conmemorativas».

A fachada posúe na actualidade un aspecto que pon de relevo o borrado do nome de quen que mandou construír o edificio, deixando un curioso oco entre o ano de inauguración (1943) e «Erig cur».

No caso da sede central do CSIC, unha construción do arquitecto, urbanista e pintor español Miguel Fisac, os cambios na estética do edificio tamén son patentes. Antes observábase un frontispicio liso onde se escribían ?esta vez si poderían identificarse como tal? mencións ao anterior xefe do Estado. Agora, no seu lugar, colocaron uns impoñentes ferros de obra ao redor do escudo da Árbore da ciencia, que é o emblema do CSIC.

Estas lousas, que sobresaen visiblemente do frontal do edificio son mesmo dunha cor diferente ao do resto do edificio. Máis que «memoria histórica», entrevese o «typex á memoria».