Comisión pola Recuperación da Memoria Histórica da Coruña

Caballero négase a responder cinco veces se vai retirar a cruz franquista de O Castro

O alcalde remitiu aos medios ao seu portavoz e leste fixo o propio co rexedor





Cinco veces seguidas preguntáronlle onte os medios de comunicación a Caballero polo destino que lle agarda á cruz situada no monte de O Castro. As mesmas veces que o alcalde eludiu pronunciarse. No seu lugar, cada vez que era interrogado respondía as inscricións franquistas que conseguiu eliminar dos muros das igrexas despois de máis de setenta anos e coa colaboración do bispado.

Ante a insistencia dos xornalistas, concluíu: «diso xa falou o concelleiro López Font».

Con todo, o citado concelleiro e portavoz do seu grupo, que comparecera ante os medios momentos antes, seguiu unha táctica parecida. Primeiro advertiu que non falaría dese tema porque non figuraba na convocatoria da rolda de prensa, a pesar de falar do Porto, que tampouco se incluía na comparecencia. Posteriormente, ante a insistencia, remitiu a Caballero.

O interese polo destino da cruz xurdiu de novo o luns por mor da campaña iniciada pola Asociación Viguesa pola Memoria Histórica do 36. A entidade distribuíu pasquíns entre os cidadáns para solicitar a súa demolición. Neles explícase a historia: a cruz foi levantada por Franco para lembrar aos mortos «por Deus e por España» xunto á División Azul.

Un dos motivos de emprender esta campaña é o feito de que detectase na web do Concello información errónea que atribúe a instalación da cruz en honra dos caídos durante a guerra civil, algo que segundo a agrupación, nada ten que ver coa realidade.