Comisión pola Recuperación da Memoria Histórica da Coruña

As vítimas acudirán tamén á Xustiza en Berlín

Os avogados preparan un preito para investigar a axuda nazi nos masacres de Franco

Cidadáns maniféstanse ante a Audiencia Nacional, o pasado día 8

 
A querela presentada en Buenos Aires por familiares das vítimas de Franco non será a única iniciativa xurídica que promoverán fóra de España. Os avogados das asociacións de memoria histórica preparan unha demanda ante os tribunais de Alemaña reclamando unha reparación pola responsabilidade das empresas e autoridades alemás que colaboraron cos crimes de lesa humanidade perpetrados por Franco, particularmente no bombardeo de Gernika

Ante a dificultade de avanzar en España 35 anos despois da morte do ditador a Baltasar Garzón impedíuselle investigar e agora está a un paso do banco, mentres que o 60% dos xulgados que asumiu os casos xa os arquivou sen nin sequera indagar , os avogados das vítimas expuxéronse explorar todas as posibilidades no exterior, xa sexa espremendo o principio de xurisdición universal ou buscando a relación directa con España.

O pasado 14 de abril, os familiares de dúas vítimas do franquismo presentaron unha querela na Cámara Federal de Buenos Aires. O proceso está aínda pendente da aceptación a trámite pero xerou tantas esperanzas entre os familiares das vítimas que xa se están preparando novos casos para achegar aos tribunais arxentinos.

En Europa están a explorarse tamén varias posibilidades, sobre todo en Alemaña. Neste caso, a vía elixida é un preito civil pola responsabilidade das empresas alemás que, baixo o impulso do réxime nazi, colaboraron con Franco para masacrar a civís.

Tras a Segunda Guerra Mundial, por mor da doutrina Nuremberg, Alemaña e as súas empresas indemnizaron a miles de vítimas da barbarie nazi, que tivo na guerra civil española un auténtico prólogo e campo de adestramento.

O bombardeo de Gernika é o caso máis emblemático: o masacre foi perpetrada pola forza áerea nazi, equipada cos equipos máis punteiros elaborados polas empresas alemás en colaboración co réxime.

Nun mes

Os avogados españois exporán o preito civil como a mellor vía de forzar tamén unha investigación dos crimes do franquismo e a axuda que recibiu de Hitler. A semana que vén teñen previsto viaxar a Hamburgo e Berlín para traballar o preito con expertos do Center for Constitutional and Human Rights, unha organización que xa participou na demanda contra Mercedes-Benz por suposta colaboración coa ditadura arxentina na desaparición de obreiros. A súa previsión é presentar a demanda nun mes.

Antes de verán, as vítimas tamén teñen previsto acudir ao Parlamento europeo para defender a candidatura de Garzón ao Premio Sájarov, e ao posto de Defensor do Pobo europeo.

Amosa a túa opinión sobre este artigo

Nome:
O teu correio:
Encabezamento:
Comment:
Código Antispam:
	Opinar Previsualizar

yvComment v.1.16.1