Comisión pola Recuperación da Memoria Histórica da Coruña

O Supremo confirma as condenas a 15 neonazis

Formaban a asociación neonazi Hammerskin España (HSE) e a súa finalidade era "estender o odio e a violencia"



Tres dos condeados.


A Sala do Penal do Tribunal Supremo fixo público onte o fallo polo que rexeita todos os recursos de casación interpostos polos 15 membros da asociación neonazi Hammerskin España (HSE) contra a sentenza da Audiencia Provincial de Madrid que lles condenou en xullo de 2009 a penas de entre un ano e seis meses e dous anos de prisión por asociación ilícita e tenencia ilícita de armas. O fallo do alto tribunal tamén confirma a disolución da asociación ao considerar probado que a súa finalidade era "estender o odio e a violencia como consecuencia da homofobia, xenofobia e antisionismo que senten" os seus integrantes.

Neste sentido, o Supremo recalca a "semellanza" dos Hammerskin España con outra asociación neonazi cuxa disolución tamén foi confirmada por este alto tribunal recentemente, Blood and Honour España, e que tamén promovía "o odio ou a violencia". De feito, o fallo coñecido onte recalca que "é tan patente o discurso do odio' que predica HSE que mesmo o termo odio' aparece proclamado escrito nos nudillos da man dun dos recorrentes, Javier Barroso".