Comisión pola Recuperación da Memoria Histórica da Coruña

Centos de persoas esixen en Sol a dimisión do presidente do Tribunal Supremo polo xuízo a Garzón

Centos de persoas concentráronse onte para pedir a anulación do xuízo contra Garzón por investigar os crimes do franquismo e para apoiar ás súas vítimas.

Ademais, o domingo haberá unha manifestación ás 12.00, desde a Praza de Salesas até a praza de Callao.

Á concentración, que comezou ás 19.00, acudiu o coordinador federal de Esquerda Unida, Cayo Lara, que chamou á mobilización cidadá para "desatar os nós" que restan do franquismo, onde todo "quedou ben atado".

Pola súa banda, o portavoz da Plataforma contra a impunidade do franquismo, Julián Rebollo, pediu a dimisión do presidente do Tribunal Supremo, Carlos Dívar.

Sobre esta petición, Cayo Lara comentou que demostra o "descontento da xente" que non entende como, mentres os países europeos que viviron unha ditadura "sentaron no banco aos responsables de crimes de lesa humanidade", en España "aínda non se deu ese paso".

Rebollo dixo que "este xuízo significa xulgar ás vítimas do franquismo e á memoria histórica" e que "estamos aquí para loitar contra quen nos queren quitar a historia", porque "temos dereito a saber o que ocorreu, para que non se repita máis", engadiu.

Así mesmo, lembrou, baixo a lema "Temos memoria, queremos xustiza", aos "asasinados, presos, mulleres, demócratas expulsados do seu traballo e vítimas de campos de concentración" e acusou ao Estado de "falta de valentía" para buscar aos "enterrados nas estradas".