Comisión pola Recuperación da Memoria Histórica da Coruña

In Memóriam: Hortensia Anzano, unha muller contra o fascismo

Militou en Mulleres Antifascistas e no PCE, e xunto ao seu marido colaborou coa Resistencia francesa e coa guerrilla antifranquista.




O pasado sábado 14 de agosto deixounos Hortensia Anzano, nacida en Grañén (Huesca) o 20 de xuño de 1920, filla de Gregorio, combatente republicano, e Casimira. Durante a súa nenez compaxinou os estudos primarios co traballo. Tras o golpe militar que desatou a Guerra Civil, Grañén permaneceu leal ao Goberno da República. Neste contexto, Hortensia afiliouse á organización feminina Mulleres Antifascistas (AMA), prestando asistencia ás tropas republicanas que se hospedaban na localidade. Así mesmo, o seu pai pasou a ser membro do Comité de Goberno Local.

Ao ser tomado Grañén polas tropas fascistas, Hortensia desprazouse até Tarragona, onde traballou como operaria na industria de guerra. A ofensiva franquista sobre Cataluña obrigoulle a exiliarse en Francia. Foi internada en varios campos de concentración. Contraeu matrimonio co comunista Antonio Alegre. No exilio entrou en contacto co PCE e chegou a militar na organización xunto ao seu marido, quen colaborou coa Resistencia francesa contra os nazis e coa guerrilla antifranquista en España.

Nos momentos máis duros do exilio recibiu o apoio do Partido Comunista Francés. En 1950, no marco da Operación Bolero-Paprika, o matrimonio foi expulsado de Francia e enviado a Alxeria. Máis tarde, acolleunos Hungría. Durante o exilio criou aos seus dous fillos, Ramón e Antonio -prematuramente falecido en 2007-, que continuaron o compromiso militante familiar na idade adulta. Regresaron a España cando aínda persistía a ditadura franquista.

Hortensia se ha ir, pero quédanos o seu exemplo vital de loita infatigable, o seu compromiso, a súa humanidade. Grazas camarada.

Raúl Alvarez Sº Movemento Republicano e Memoria Histórica PCA/PCE