Comisión pola Recuperación da Memoria Histórica da Coruña

A Plataforma contra a impunidade do franquismo acenderá mañá "miles de velas" na Porta do Sol





A Plataforma contra a impunidade do franquismo convocou aos cidadáns a través da súa páxina web a unha manifestación nocturna que terá lugar ás 22.30 horas de mañá sábado 26 de xuño na Porta do Sol de Madrid na que se acenderán "miles de velas" para simbolizar a procura da "verdade, a xustiza e a reparación".

Na concentración proxectarase o vídeo 'Cultura contra a impunidade', no que personalidades do mundo da cultura como Javier Bardem, Pedro Almodóvar, Juan Diego Botto, Paco León, Aitana Sánchez-Gijón ou Juan José Millás, entre outros, prestaron o seu rostro e a súa voz e colaboraron coa Plataforma nun documental que recolle a historia de quince fusilados durante a ditadura.

"Despois de máis de 30 anos de democracia, máis de 113.000 familias españolas seguen buscando a outros tantos desaparecidos, persoas arrincadas das súas vidas, torturadas, asasinadas, silenciadas. Pero non esquecidas", manifestou este colectivo.