Comisión pola Recuperación da Memoria Histórica da Coruña

Homenaxe aos 3.000 fusilados na tapia da Almudena

Os artistas volven reunirse para ler os nomes de máis dun milleiro de vítimas do franquismo

A Plataforma contra a Impunidade do franquismo ha convodado para mañá domingo, ás 11.00 na tapia do cemiterio madrileño da Almudena, un acto de homenaxe ás vítimas dos crimes da Guerra Civil e a ditadura. En concreto, aos preto de 3.000 fusilados fronte a esta tapia.

O acto consistirá na lectura dos seus nomes, "homes e mulleres que deron a súa vida pola liberdade e a democracia".

Os artistas que este pasado luns presentaron un vídeo de denuncia contra os crimes do franquismo participarán na lectura destes nomes. Así, asistirán á homenaxe os actores Alberto San Juan, José Manuel Seda, Álvaro de Lúa e Juan Echanove e os escritores Almudena Grandes e Benjamín Prado, entre outros. Tamén os fillos e netos das vítimas, moitos dos cales seguen saber a situación das fosas onde se atopan os seus, porque, segundo denuncia a Plataforma contra a Impunidade, "nunca obtiveron amparo, información, nin axuda algunha nin do Concello, nin da Comunidade de Madrid, nin do Estado".

Os convocantes animan a todos os que vaian asistir a que leven flores para depositalas na tapia do cemiterio, onde aínda se aprecian os orificios abertos polas balas dos pelotóns de execución.