17 Abr 2008 |
ACTO REIVINDICATIVO O 8 DE AGOSTO
|
| A CRMH DA CORUÑA RECLAMARÁ NOS XULGADOS A DEVOLUCIÓN DO PAZO DE MEIRÁS AO PATRIMONIO PÚBLICO ORGANIZARÁ UN ACTO REIVINDICATIVO O 8 DE AGOSTO, COINCIDINDO COA VODA EN MEIRÁS DE LETICIA GIMÉNEZ-ARNAU MARTÍNEZ-BORDIU O Presidente da Comisión pola Recuperación da Memoria Histórica da Coruña, Manuel Monge, fai unha valoración positiva da entrada dos técnicos da Xunta no Pazo de Meirás, paso previo a súa declaración como Ben de Interese Cultural (BIC). Espera que a Xunta faga tamén un inventario dos obxectos do pazo que foron sacados pola familia Franco e que se investigue onde están na actualidade, para esixir a súa incorporación ao patrimonio público.. O noso obxectivo final é conseguir a restitución do pazo de Meirás ao patrimonio público, para disfrute do pobo galego. Neste sentido, a CRMH está a estudar a presentación dun escrito nos xulgados para reclamar a súa devolución, tendo en conta unha sentencia do Tribunal Supremo de xullo de 2007, que fallaba a favor dos familiares dun veciño de Tenerife que donou en 1937 unhas terras a Franco para salvar a vida dun parente en perigo de ser fusilado;.a sentenza obriga ao ministerio de Defensa a devolver esas propiedades aos seu primitivos donos. A CRMH entende que a doazón foi a Franco, como Xefe do Estado, e que morto este e acabada a Ditadura, as propiedades de Franco, adquiridas no exercicio do poder, deben ser devoltas aos seus lexítimos propietarios. Lembremos que o pazo de Meirás foi adquirido con descontos forzosos das súas nóminas aos traballadores e coas aportacións por parte de moitos concellos do 5% do recadado pola contribución. Franco asina o 5 de decembro de 1938 o seguinte documento de aceptación da doazón das “Torres de Meirás”, non como un particular, senón como Xefe do Estado: “En el día 28 de marzo de nuestro segundo año triunfal, año del señor de mil novecientos treinta y ocho, la Ciudad y Provincia de La Coruña hicieron la ofrenda –donación de las Torres de Meirás- al fundador del nuevo imperio, Jefe del Estado, Generalísimo de los Ejércitos y Caudillo de España Francisco Franco Bahamonde. Galicia que le vió nacer, que oyó su voz el dieciocho de julio, que le ofreció la sangre de sus hijos y el tesoro de sus entrañas, que le siguió por el camino del triunfo en la unidad, grandeza y libertad de la patria, asocia en esta fecha para simepre el nombre de Franco a su solar, en tierras del Señor Sant Yago, como una gloria más que añadir a su historia”. A CRMH quere transmitir á familia Franco que xa disfrutou dabondo deste pazo e que deben proceder a súa devolución. Para transmitir á opinión pública esta mensaxe e á familia Franco que non será ben recibida nin en Meirás, nin cando visiten a Casa Cornide na Coruña, celebraremos en Meirás o 8 de agosto un acto pacífico e reivindicativo, coincidindo coa voda de Leticia Giménez-Arnau Martínez-Bordiu, neta de Carmen Franco, filla do Ditador Franco. Moitas grazas pola súa atención. Reciban un cordial saúdo. A Coruña, 17 de abril de 2008 Asdo. Rubén Afonso Lobato Responsábel de Comunicación. Tfno. 645029338 |
