Comisión pola Recuperación da Memoria Histórica da Coruña

Agora, en cumprimento da Lei da Memoria Histórica, o Concello, que onte aprobou por unanimidade pedir colaboración ao Goberno para desenvolver dicha normativa, creará unha comisión que debaterá e proporá a retirada dese galardón. Unha condecoración que foi xustificada "en proba de recoñecemento á suma de virtudes políticas e sociais que na súa persoa concorren, en agradecemento a canto contribuíu ao progreso da cidade e benestar cidadán, e en recompensa ás ilimitadas honras a que se fixo acredor", segundo publicou a diario Proa.

"O normal é que se retire. Unha das cuestións que eu vou expor no acordo é que se retire a medalla de honra, igual que se fixo noutras cidades con consenso de todos", sinalou onte o concelleiro de Réxime Interior, Ibán García do Branco.

Ademais, a aplicación da lei contempla o cambio de nome nas rúas de denominación franquista. Así, existe xa unha listaxe de 24 viarios que serán sometidos a consenso "caso a caso, buscando un criterio común que aplicar a todo o demais, a decisións que puidesen ser máis controvertidas ou dubidosas".

Á parte da designación de rúas, a lei prevé medidas comola retirada de símbolos alegóricos ou exaltacións de persoas "relacionadas co golpe ou absolutistas ou totalitarios". En León, hai varios exemplos escudos ou placas susceptibles de desaparecer a paisaxe urbana, como a situada na praza de San Marcelo, dedicada a José Antonio Primo de Rivera. "O bo que terá a comisión é que aplicará rigor e escoitarase a todos os grupos políticos", sinalou García do Branco.

Amosa a túa opinión sobre este artigo

Nome:
O teu correio:
Encabezamento:
Comment:
Código Antispam:
	Opinar Previsualizar

yvComment v.1.16.1