Comisión pola Recuperación da Memoria Histórica da Coruña

Moitísimo atraso en comparación coa maioría das cidades españolas, o Concello da Coruña inicia hoxe o proceso para aplicar a Lei de Memoria Histórica en vigor desde decembro de 2007. Empeza a lenta retirada da abundante simboloxía franquista de rúas e edificios públicos da cidade. Os tres grupos municipais (PSOE, BNG e PP) debaterán e votarán hoxe na Comisión de Honores e Distincións unha proposta para eliminar 53 símbolos da ditadura ou de exaltación de protagonistas da sublevación militar de 1936. É un número inferior ao que propuxo, en informe, o equipo de expertos designados polo alcalde, o socialista Javier Losada. Pero hai acordo dos socios de Goberno (PSOE e BNG) para sacar adiante a retirada desta relación reducida de símbolos franquistas a partir do outono.Os nacionalistas, partidarios dunha lista máis ampla de rúas que deberían ser rebautizadas ou de incluír a Fraga entre os ministros de Franco aos que se lles revocará o título honorífico concedido pola Coruña durante a ditadura, decidiron ser posibilistas e aceptar a proposta reducida do PSdeG. "As cousas sobre as que hai acordo eliminaranse canto antes, e en las demais, verase máis adiante. Xa é un éxito que A Coruña retire 53 símbolos franquistas", xustificou a edil Margarida Vázquez.

 

O PP, moi crítico con todo o cumprimento da Lei de Memoria Histórica, non desvelará ata hoxe o seu voto ante a proposta bipartita para cambiar o nome de 22 rúas, retirar todos os títulos honoríficos da Coruña a Franco e oito dos seus ministros, así como eliminar a estatua de Millán-Astray dunha céntrica praza. Non se prevé, con todo, que a estatua sexa retirada antes de finais de 2010.

En aras do acordo cos seus socios socialistas, o BNG apraza a súa batalla por retirar do Palacio municipal os retratos de dous alcaldes do réxime, incluído o de José Fuciños, quen se fixo co bastón de mando en xullo de 1936 a punta de pistola e asinou a sentenza de morte da súa antecesor republicano.