Comisión pola Recuperación da Memoria Histórica da Coruña

Lamentan que a RAE non corrixa a definición de "franquismo"





A Asociación para a Recuperación da Memoria Histórica (ARMH) lamentou onte que a Real Academia Española (RAE) non corrixa a definición do termo "franquismo" no Dicionario, ó que consideran unha "forma de negacionismo e unha agresión ás vítimas" da ditadura. Na definición actual, o franquismo contémplase como un "movemento político e social de tendencia totalitaria" e, por iso, a ARMH criticou que non se inclúa a realidade dos 113.000 desaparecidos, as súas familias e os represaliados. Segundo un comunicado da ARMH, a súa organización protestou en "repetidas ocasións" a definición de franquismo da RAE porque, na súa opinión, "está moi lonxe de reflectir a realidade da ditadura".

O mantemento desta definición -aseguraron- é unha forma de "menosprezar o sufrimento" dos desaparecidos e, en definitiva, "de todas as persoas que padeceron algunha das múltiples formas nas que a ditadura do xeneral Franco negou os dereitos fundamentais". A ARMH avanzou que continuará coas protestas para que na próxima edición do Dicionario da RAE en 2013 se corrixa o termo, "sexa rigorosa e deixe de agredir as vítimas".