Comisión pola Recuperación da Memoria Histórica da Coruña

Retiran a placa conmemorativa polas vítimas republicanas da tapia do cemiterio de Granada



Familiares dos fusilados no cemiterio de San José en Granada colocan unha placa conmemorativa o pasado martes


Eduardo Moral explicou que pediu aos operarios que deixasen "uns días" as placas colocadas na homenaxe antes de que procedese á súa retirada

As placas colocadas o martes como homenaxe ás vítimas republicanas da Guerra Civil han aparecido no chan esta mañá. Eduardo Moral, edil responsable de Emucesa, a empresa pública que xestiona o cemiterio, explicou que pediu aos operarios que deixasen "uns días" as placas colocadas na homenaxe antes de que procedese á súa retirada pois non está permitida a colocación deste tipo de obxectos na parede da tapia.

Rafael Gil Bracero e Francisco Vigueras, membros da Asociación Granadina para a Recuperación da Memoria Histórica, manifestaron a "máis enérxica protesta ante o goberno municipal do Partido Popular por arrincar, unha vez máis, as placas conmemorativas colocadas o pasado 20 de xullo". Gil Bracero e Vigueras sosteñen que "con esta actitude prepotente e déspota, impropia dunha dereita democrática, o Partido Popular demostra, uns anos máis, o seu desprezo ás vítimas e a súa falta de respecto á dor dos familiares, xa que esas placas non molestan a ninguén".

Para a Asociación, o Partido Popular tenta borrar a memoria dos republicanos fusilados na tapia que foron homenaxeados o martes, aínda que confían na declaración da tapia como "lugar de memoria" para que poida estar máis protexida.