Comisión pola Recuperación da Memoria Histórica da Coruña

Ribadesella retira os símbolos franquistas



A placa instalada no Cobayu retirarase ao aplicar a lei.


O xugo e as frechas abandonan O Cobayu. En cumprimento da Lei de memoria histórica, o Concello de Ribadesella retirará nos próximos días a placa instalada nun dos bloques deste popular barrio riosellano, construído durante o franquismo.

Trátase dunha laxa de pedra que preside unha das entradas ao barrio e que loce nun dos seus laterais o xugo e as frechas, habituais nas vivendas de protección que se promoveron durante o réxime franquista.

Agora esa placa de simboloxía franquista será cuberta por outra de cerámica, obra do autor Pachu Muñiz, na que está gravada unha silueta das vivendas sobre o topónimo popular do barrio, O Cobayu. Por baixo lerase o nome oficial das 224 vivendas sociais, construídas baixo o nome Grupo García Lombas.

O Concello de Ribadesella vai así dando pasos no cumprimento da Lei de Memoria Histórica.

Hai xa uns meses retirou a placa da rúa de División de Navarra, substituída pola que daba nome á súa continuación, Villar e Val, e agora previu continuar retirando as placas que, sen ser tan rechamantes como a do Cobayu, locen nalgúns bloques doutros barrios como o da Costa.