Comisión pola Recuperación da Memoria Histórica da Coruña

23 F: Carta da CRMH ao Delegado do Goberno en Galicia

“UN ESTADO DEMOCRÁTICO NON PODE PAGAR A NÓMINA A MILITARES QUE FAN APOLOXÍA DO FASCISMO”

Será entregada o martes, 23 de febreiro, ás 10,30 horas na Delegación do Goberno en Galicia (praza de Ourense da Coruña).

Cando o 22 de xaneiro se procedía á retirada da estatua de Millán Astray, un militar realizaba o saúdo fascista, desde unha ventá do cuartel de Atocha. Esta imaxe foi difundida no informativo rexional de TVE.

Ante a gravidade destes feitos, e coincidindo co aniversario do intento de golpe militar de 1981, o Presidente da Comisión pola Recuperación da Memoria Histórica da Coruña, Manuel Monge, entregará unha carta ao Delegado do Goberno en Galicia, Antón Louro, esixindo que se identifique a este militar e que se informe á sociedade da marcha do expediente, que se supón xa terá aberto o citado ministerio, así como das medidas disciplinarias adoptadas por Defensa.

Para a CRMH un estado democrático non pode pagar a nómina de militares que fan apoloxía do fascismo durante a súa xornada laboral; e non pode permitir que funcionarios públicos cometan este tipo de agresións contra a memoria das vítimas do franquismo.

Comentarios (1)

enlace ao video

1 Luns, 22 Febreiro 2010 18:11

Nemigo

onde está o enlace a isa imaxe?

Amosa a túa opinión sobre este artigo

Nome:
O teu correio:
Encabezamento:
Comment:
Código Antispam:
	Opinar Previsualizar

yvComment v.1.16.1