Rexeitación da modificación de Lei de Amnistía (694)
Informe das Fosas de Aranga (1846)
Sipnose do documental MEMORIAS ROTAS (72)
Invitación estrea documental MEMORIAS ROTAS no Rosalía de Castro na Coruña (69)
Ollar todo 
Audiovisuales sobor a guerrilla antifranquista (1617)29 Xan 2010 |
A Xunta volve prometer que abrirá pronto o Pazo de Meirás
|
A Xunta volve prometer que abrirá pronto o Pazo de MeirásPatrimonio propúxolle aos Franco permitir o acceso aos dous primeiros andares e a biblioteca  A apertura á cidadanía do Pazo de Meirás farase efectiva “en breve” segundo asegurou onte o director xeral de Patrimonio Cultural, José Manuel Rey Pichel. O conselleiro de Cultura, Roberto Varela, xa anunciara en setembro que o edificio se abriría “en menos dun mes”, pero agora a Xunta mantén que os contactos cos donos, a familia Franco, “están a ser positivos” e que poderían permitir o acceso ás estancias públicas da primeira e a segunda planta. Estas visitas son un dereito dos cidadáns dende que a residencia de verán do ditador en Sada foi declarada Ben de Interese Cultural (BIC), a finais de 2008. “Enviámoslles os planos concretos do xardín e das zonas públicas que podían ser visitadas, as máis interesantes: a biblioteca, a planta baixa e a primeira, manifestando a necesidade de que xa pronto se debe abrir o pazo”, relatou onte Rey Pichel en declaracións a Radio Coruña. A Xunta reiterou, nun comunicado, que “non” existe oposición, senón “prudencia lexítima” por parte da familia. Nese sentido, Patrimonio comprometeuse a que apertura se faga salvagardando todas as cuestións de seguridade.O responsable de Patrimonio da Xunta recordou que a primeira comunicación coa familia Franco se produciu o pasado 1 de outubro mediante carta na que se lles comunicaba a obriga de abrir o pazo, catro días ao mes. Rey Pichel defendeu que a Xunta actuou “en todo momento de acordo coa lei e respectando o proceso xudicial”, dixo en alusión ao recurso dos Franco contra a declaración de BIC, que aínda non ten sentenza en firme pero que en todo caso non supón paralización algunha do proceso ao desbotarse as medidas preventivas.
Amosa a túa opinión sobre este artigo
|
