Adeus a Millán Astray O Concello retira a estatua de Millán Astray
Operarios da empresa López Cao trasladárona hoxe, á primeira hora da mañá, aos talleres municipales 
VER VIDEO DA RETIRADA DA ESTATUA A estatua de Millán Astray xa foi retirada da súa localización, na praza homónima. Operarios da empresa López Cao encargáronse esta mesma mañá de desmontala e trasladala aos talleres municipais.
Os preparativos para o desmonte e a retirada da estatua empezaron ás 07.00 horas cos traballos previos. A partir do oito da mañá, os operarios da empresa López Cao, encargada da actuación, comezaron a picar a base de granito que servía de apoio á estatua para, a continuación, rebaixar a propia base da figura e desmontar a figura, que foi envolta e depositada nunha caixa de cor verde para o seu posterior traslado aos talleres municipais.
Con esta actuación, o Concello coruñés inicia os traballos de reordenación de todos os espazos da contorna da praza de España e, ao mesmo tempo, dá cumprimento aos acordos da comisión, que o pasado mes de novembro determinou os elementos vinculados a simboloxía franquista da cidade para a súa posterior retirada en aplicación da Lei de Memoria Histórica.
O recurso da filla
A retirada da estatua de Millán Astray que até agora se erixía na praza do Xeneral Millán Astray prodúcese cando aínda non se cumpriu un mes desde que transcendese que a filla do que fose fundador da Lexión presentou na Subdelegación do Goberno un recurso de reposición contra o acordo do Concello de retirar a estatua do seu pai, un acordo que o Concello adoptou co argumento de dar cumprimento á lei de memoria histórica.
Peregrina Millán-Astray Gasset explicou no seu recurso que a estatua do seu pai non cumpre os requisitos que esixe a lei para os monumentos que merecen ser retirados. A filla do fundador da Lexión afirma que a estatua "nin exalta a sublevación militar, nin a Guerra Civil, nin a represión da ditadura de Francisco Franco".
A filla de Millán Astray engadiu que o motivo polo que se levantou a estatua foi homenaxear ao corpo que fundou o seu pai e, en ningún caso, exaltar ou honrar aos vencedores da Guerra Civil.
"A causa xurídica da estatua, levantada en 1970, foi exclusivamente a creación da Lexión, como consta na placa. Esta creación tivo lugar en 1920", argumenta a descendente de Millán Astray no texto do recurso de reposición, no que tamén lembra que a Lexión é un corpo en activo que participa en numerosas misións.
O recurso presentado por Peregrina Millán-Astray súmase a outro anterior presentado os representantes dos veteranos da Lexión, que organizaron ademais varias manifestacións na praza onde até hoxe estaba a estatua do fundador do corpo.
A filla de Millán Astray, ademais da permanencia da estatua, reclamaba que a praza manteña o nome do seu pai. LIGAZÓNS RELACIONADAS El País La Voz de Galicia La Opinión Coruña O Xornal de Galicia Vieiros.com El Correo Gallego La Región Público La Razón Kaosenlared.net Foro de la Guardia Civil Radio Coruña El Plural.com El quiosco.net lamemoriaviva.wordpress.com foroanime.com glovoz.com
|
Rexeitación da modificación de Lei de Amnistía (690)
Informe das Fosas de Aranga (1842)
Sipnose do documental MEMORIAS ROTAS (72)
Invitación estrea documental MEMORIAS ROTAS no Rosalía de Castro na Coruña (69)
Ollar todo 
Audiovisuales sobor a guerrilla antifranquista (1613)
