Rexeitación da modificación de Lei de Amnistía (694)
Informe das Fosas de Aranga (1846)
Sipnose do documental MEMORIAS ROTAS (72)
Invitación estrea documental MEMORIAS ROTAS no Rosalía de Castro na Coruña (69)
Ollar todo 
Audiovisuales sobor a guerrilla antifranquista (1617)31 Dec 2009 |
Estrea do documental "Memorias Rotas" de Manane Rodríguez
|
Estrea do documental "Memorias Rotas" de Manane Rodríguez O Xoves 7 de xaneiro ás 20:00 horas no Teatro Rosalía de Castro na Coruña 'MEMORIAS ROTAS' Está centrada na historia JOSÉ MORENO TORRES, COMANDANTE DO BATALLÓN GALICIA e a primeira parte do documental trata da súa militancia na Coruña e como organizador da Resistencia ao Golpe de Estado. desde o balcón do Rosalía, o 18 de Xullo de 1936, MORENO chamou á xente a resistir. Esta é a razó pola que elísexe este Teatro para a estrea do documental. O vindeiro sábado día 7 de xaneiro, ás 20 horas, estréase no Teatro Rosalía de Castro, na Coruña, a longametraxe documental de Manane Rodríguez MEMORIAS ROTAS. O filme, producido por Xamalú Filmes en colaboración coa Televisión de Galicia, foi rodado en varias fases durante 2008 e 2009 en diversos lugares de Asturias e Galicia. Seguindo as pegadas dun romance popular, e a través dos relatos de quen foron testemuñas dos feitos, e dos seus descendentes, MEMORIAS ROTAS conta o tráxico destino dun grupo de milicianos do Batallón Galicia que tras defender a sangue e lume os seus ideais de liberdade na Fronte Norte republicano foron dados por desaparecidos. MEMORIAS ROTAS dá testemuño do destino dese grupo de homes, que lideraba o dirixente anarquista coruñés José Moreno Torres, o Comandante Moreno, á vez que traza un mosaico de informacións que suxiren a dolorosa atmosfera da guerra civil española. Na estrea estarán presentes a directora, os membros do equipo que colaborou na realización do documental e algúns dos protagonistas do mesmo, un protagonismo coral xeneroso e valente que permitiu, setenta e dous anos despois, unha reparación cívica e moral ás vítimas. Amosa a túa opinión sobre este artigo
|
