Comisión pola Recuperación da Memoria Histórica da Coruña

O Goberno pide por primeira vez perdón pola morte dun galego na ditadura

O corpo de Constantino López apareceu nas Fragas do Eume en decembro do 47, tras ser torturado e asasinado

A coruñesa María Teresa López recibiu a finais do pasado mes de agosto unha carta do Ministerio de Xustiza na que se asina a Declaración de Reparación e Recoñecemento Persoal para o seu tío Constantino López Marcos, que foi asasinado durante o réxime franquista sen cometer delito algún. Segundo o presidente da Comisión pola Recuperación da Memoria Histórica da Coruña (CRMH), Manuel Monge, María Teresa "é a primeira galega que recibe este recoñecemento" por parte do Goberno central.

Tras varios meses de espera, María Teresa López, que comezou os trámites en xaneiro deste mesmo ano, recibiu fai poucas semanas a Declaración por parte do Ministerio. Para ela ten un gran significado porque é como unha solicitude de perdón do Estado a unha familia que perdeu a un membro fai 62 anos. O documento acreditativo, asinado polo actual titular de Xustiza, o galego Francisco Caamaño".

Francisco Caamaño, explica que "habendo quedado acreditado que Constantino López Marcos padeceu persecución e violencia por razóns políticas e ideolóxicas, falecendo en defensa dos valores democráticos en Cabanas [...], ten dereito a obter a reparación moral que contempla a Lei 52/2007, de 26 de decembro, mediante a cal a Democracia española honra a quen inxustamente padeceron persecución ou violencia durante a Guerra Civil e a Ditadura".

Ademais, o Executivo acompañou este documento dunha carta persoal da subsecretaria de Xustiza na que se asegura que a declaración "pretende ser a voz firme e decidida de que a memoria de quen padeceron persecución ou violencia permanecerá sempre viva".

"Cando chegaron os documentos sentinme aliviada; sentín que facía algo polo meu tío, que lle daba o seu minuto de gloria", comenta satisfeita María Teresa López. Aínda que non sabe se é exactamente a primeira en recibir este perdón na comunidade, como apunta a CRMH, si constata que é a primeira da Coruña.

Neste sentido, recorda que cando chegou con toda a documentación necesaria á xerencia do Ministerio na cidade "non sabían nada do tema nin que papeis debía presentar e ata tiveron que chamar a Madrid, pero me trataron excepcionalmente".

Aínda que María Teresa non chegou a coñecer ao seu tío, xa que naceu un ano logo do seu asasinato a mans do réxime franquista, sempre lle interesou descubrir a verdade porque na súa casa o silencio sobre este crime era xeneralizado. O medo ás represalias por parte da ditadura calou moitas bocas, pero non evitou os xestos. "Cando era pícara, tanto na casa materna como na paterna había unha foto do meu tío nun lugar especial e de aí veu o meu interese por saber que pasara".

Tras anos de investigación pola súa conta buscando en librerías e xulgados e escoitando testemuños dos veciños do concello coruñés de Cabanas, María Teresa López descubriu como perdeu a vida o seu tío.


APOIO AOS ESCAPADOS

Constantino López era un viudo sen fillos de 35 anos de Cabanas que non estaba ligado a ningún partido político. Segundo conta a súa sobrina, cando volvía dunha verbena "separárono" do grupo e leváronse a Constantino e a outro amigo. Os demais avisaron as familias que, desde o 18 de agosto ata o 12 de decembro do 47, estiveron buscando por toda a zona.

"O torturaron e matárono e o seu corpo apareceu catro meses despois nas Fragas do Eume", lembra. O único delito do seu tío para morrer foi ser "o enlace dos escapados que estaban no Eume" co mundo real.

Amosa a túa opinión sobre este artigo

Nome:
O teu correio:
Encabezamento:
Comment:
Código Antispam:
	Opinar Previsualizar

yvComment v.1.16.1

Arquivos adxuntos

Arquivo	Descrición	Tamaño
XEG00106.pdf	Portada do Xornal da Galicia co gallo do perdón do goberno a Constatino López	4047 Kb
XEG00606.pdf	Foto de Teresa López e artigo do perdón a Constantino no Xornal de Galicia	1355 Kb
XEG00706.pdf	O papeleo outra loita para os represaliados do franquismo	1065 Kb