Comisión pola Recuperación da Memoria Histórica da Coruña

Esnaquizan unha placa colocada recentemente en memoria dos represaliados en O Vicedo (Lugo).

Fora colocada o pasado sábado no miradoiro de San Román do Val en memoria dos represaliados do municipio.


Un grupo de descoñecidos esnaquizou unha placa que fora colocada o pasado sábado no miradoiro de San Román do Val en memoria dos represaliados do municipio lucense do Vicedo, segundo denunciou nun comunicado a portavoz municipal do BNG, Susana Ribeira.

Ribeira afirmou que non se trata dun acto de vandalismo, senón que a súa intencionalidade "vai máis aló, na medida en que significa invalidar os valores da democracia e a tolerancia".

A concelleira atribuíu esta acción a "unha falta de respecto á memoria" dos veciños do Vicedo que foron vítimas do franquismo e "unha ofensa aos familiares de quen participaron masivamente no acto do pasado sábado".

Rivera esixiu que os grupos políticos que forman parte da corporación do Vicedo, co alcalde á cabeza, ?desautoricen e denuncien estes actos vandálicos que deixan ás claras o perfil dos agresores, pero que non teñen cabida nunha sociedade democrática?, dixo.

A portavoz nacionalista asegurou que restituirán a placa, porque "a súa significación vai máis aló do monumento", e concretou que a acción vandálica "terá unha resposta de demócratas".