Comisión pola Recuperación da Memoria Histórica da Coruña

"Danche catro pesos de subvención e á, apáñate para buscalo!".

Asociacións de familiares de vícltimas da ditadura denuncian a falta de implicación do Estado na procura dos restos dos represaliados da Guerra Civil e o franquismo, coincidindo coa conmemoración do Día Internacional dos Desparecidos.

Estas asociacións acusan á Administración de dar subvencións tras a presentación dunha exhaustiva documentación e despois desentenderse, deixando toda a responsabilidade nas familias. "Danche catro cadelas de subvención e logo só pídenche que justifiques onde cho gastaches. É coma se nunha familia pérdese alguén, denuncias a súa desaparición e o Goberno dáche 2.000 eurillos e diche, á, apáñate para buscalo!. É inaudito", recrimina a Asociación de Familiares das Persoas Asasinadas nos montes da Pedraja (Burgos).

Esta asociación ademais cre que a implicación do Estado debe ser maior porque "é o responsable do que pasou" xa que estes crimes cometéronse "nun momento dado" polo Estado español "cando se sublevou Franco", en referencia ao réxime. Así mesmo, considera que unha Lei de Memoria Histórica "tan baixa de vistas" deixoulles o "problemón", xa que, ao seu xuízo, son as familias as que deben cargar con toda a responsabilidade. "Por que ningún Goberno colleu este tema con responsabilidade de Estado?", pregúntanse os familiares dos desaparecidos na Pedraja. "Co que custan dous quilómetros de autoestrada resólvense os problemas de fosas de todo o país", apunta.

En España, segundo a Asociación para a Recuperación da Memoria Histórica (ARMH), existen numerosas fosas comúns nas que poderían atoparse os restos de 113.000 homes e mulleres, cifra que lembrou con motivo do Día Internacional dos Desaparecidos que se conmemora este luns. "As súas familias séguenos buscando e esperando, pero aínda non puideron recibir a asistencia dun Estado que os busque e pescude que ocorreu con eles", sinala a asociación, para quen o delito que se comete contra un desaparecido é de tanta gravidade porque se trata dun conxunto de "crimes lesivos" concentrados nunha persoa.

"É ademais un delito permanente e iso quere dicir que se está cometendo todos os días", subliña, tras explicar que, por ese motivo, o secuestro dun cadáver require urxencia das institucións á hora de actuar. "Cada día que o Estado non fai nada por atopar a eses desaparecidos", denuncia. De feito, asegura que o Estado español ha recibido indicacións de diferentes organismos internacionais para que sexa parte activa na procura dos desaparecidos e non delegue esa responsabilidade nas familias, que é unha forma de "culpabilizarlas".