07 Xul 2008 |
A obra "Fuxidos do Portiño"
|
A obra "Fuxidos do Portiño"
A obra de Pepe Galán "Fuxidos do Portiño" lembrará un feixe de fusilados detidos cando fuxían desde o peirao da zona. O vindeiro mes de abril, co fin de non coincidir coas eleccións xerais do marzal, ténse previsto instalar na zona do Portiño unha escultura de Pepe Galán (A Coruña, 1955) coa que a Comisión pola Recuperación da Memoria Histórica de A Coruña quere render unha homenaxe «ás vítimas do intento de fuxida do Portiño». Pepe Galán, que xa ten outra escultura nos arredores da torre de Hércules, explica que esta é unha obra «que de xeito simbólico pretende reflectir o acontecido nos apresamentos e intento de fuxida cara ao mar no Portiño». A peza deseñada, nomeada Fuxidos do Portiño, consiste nun corredor duns 20 metros de longo, construído en aceiro corten e que ten nos seus extremos varios banzos de escadas, uns que irán cara ao mar e outros cara ao monte San Pedro, «porque na persecución algúns trataron de fuxir polo monte e de feito foron capturados en Bens; son escadas de fuxida ou do reencontro». Galán apunta que este monumento pretende ser tamén un punto de encontro e non reabrir vellas feridas. Amosa a túa opinión sobre este artigo
|
