08 Abr 2008 |
“LOLECHA”, Dolores Garcia Suárez, recibirá a distinción MEMORIA DA CORUÑA 2008
|
Dolores Garcia Suárez “LOLECHA” Distincion Memoria da Coruña 2008 Por acordo da Xunta Directiva da Comisión pola Recuperación da Memoria Histórica (CRMH) da Coruña, Dolores García Suárez, “Lolecha”, recibirá a distinción Memoria da Coruña 2008; o galardón -unha escultura de Pepe Galán, autor tamén do monumento ás vítimas do Portiño- será entregado na Cea da República, que terá lugar o sábado,12 de abril, ás 21 horas no restaurante Fontenova, despois da inauguración do monumento ás vítimas do portiño, que será ás 19,30 horas. A CRMH quere recoñecer así o traballo de Lolecha por recuperar a memoria histórica da Coruña e, ao mesmo tempo, facer unha homenaxe a todas as familias que perderon a seres queridos, vítimas da ditadura franquista, por defender a democracia e a liberdade.
José García Vázquez foi detido e acusado por este intento de fuxida. Lolecha acudía todos os días ó cárcere da Coruña para levar comida ó seu pai e todo o que necesitase; mentres esperaba para ver ó seu pai, coincidiu con moita xente da Coruña que ía visitar aos presos. Despois dun consello de guerra, celebrado o 5 de xuño de 1937, José García Vázquez foi fusilado en Punta Herminia o 9 de outubro dese ano. As persoas interesadas en participar na CEA DA REPÚBLICA, onde se entregará a distinción Memoria da Coruña 2008, poden inscribirse nos teléfonos 981924427 ou 645029338; o restaurante Fontenova está na Avda. Fisterra, despois do ambulatorio do Ventorrillo, fronte a “Caramelo”; o prezo é de 18 euros.
|
