Despois da investigación sobre os nomes do rueiro coruñés, para determinar a presenza da simboloxía franquista entre a vida cidadá, organizóuse unha manifestación de denuncia contra o mantemento dos nomes adicados aos militares golpistas, alcaldes e persoeiros de triste nome para a democracia actual, o sábado 28 de maio de 2005. Foi a Primeira marcha contra a simboloxía franquista, O Roteiro da vergoña. Reclamamos a retirada da simboloxía franquista, nas rúas , prazas, edificios públicos, colexios, hospitais, e estatuas, simboloxía adicada a destacados dirixentes da sublevación ( moi singularmente a estatua a Millán Astray).

O acto consistiu nunha concentración frente a estatua de Millán Astray, de onde partimos en manifestación polas diversas rúas da cidade, para finalizar frente ao monolito ao Xeneral Franco, que recibe à xente que chega a Coruña.

En cada lugar significado, lemos textos explicando quen foron e que fixeron os persoeiros honrados e distinguidos. Asistiron unhas 300 persoas.