14 Abr 2009 |
Actividades arredor do día da República 2009
|
Actividades arredor do día da República 2009
Mércores 15 de abril, ás 13 horas: Visita institucional ao palacio municipal de María Pita, de María Teresa Alvajar, Xunta Directiva e grupo de traballo da CRMH.
Sábado 18 de abril, ás 21,30 horas no hotel María Pita: Cea da República e entrega a María Teresa Alvajar da distinción “Republicana de Honra”, que entrega anualmente a CRMH da Coruña. Confirmar asistencia, antes do 16 de abril, facendo o ingreso de 24 euros na conta .......e chamando ao teléfono 645029338.
Domingo 19 de abril, ás 12 horas, na ría Disciplina (antes Liberdade): Homenaxe aos represaliados polo franquismo. O roteiro, con ofrenda floral, iníciase na rúa Disciplina coas intervencións de Perla Torreiro e de Manuel Monge, presidente da CRMH, para reivindicar a supresión da simboloxía franquista. Continuaría no monumento a Ramón Maseda, no Campo de Marte, coa intervención de Xosé Luís Rodríguez Pardo; Cemiterio Civil (Xosé Gaioso e Antonio Soane) con intervención de Beatriz Parga; rúa Pedro Galán Calvete ( ao final da avda. de Navarra), coa intervención de Pedro Galán, sobriño do asasinado, e rematando na rúa Xosé Villaverde (nas Lagoas) coa intervención de Mariquiña Villaverde, filla do asasinado.
Martes 21 de abril, ás 20 horas, na Casa Museo Casares Quiroga: Presentación do libro Curuxás. O guerrilleiro que non cazou Franco, coa asistencia do autor, Carlos Parrado, de Enrique Acula, da editorial A Nosa Terra , e de Rubén Afonso Lobato , da CRMH.
Martes 28 de abril, ás 20 horas, na Casa Museo Casares Quiroga: Presentación do libro Perfecto Lorenzo Calviño. Os pasos pola vida dun comunista galego, coa presenza da súa filla Flor Lorenzo, de Enrique Acuña, da editorial A Nosa Terra , e de Beatriz Gómez Amigo , da CRMH. |
