21 Nov 2008 |
Escultura honorifica da CRMH da Coruña, obra de Pepe Galán
|
Escultura honorifica da CRMH da Coruña, obra de Pepe Galán Conceptos como terra, memoria, ou espazo, son os elementos que pretenden simbolizar esta proposta plástica.
Pepe Galán (A Coruña 1955). Iniciase na pintura a vez que experimenta con outros soportes como a serigrafía, o gravado e a fotografía, medios que son compartidos co seu traballo escultórico. Concorre en Feiras e exposicións nacionais e internacionais. Europa suponlle un importante contacto coas diferentes opcións artísticas, históricas e contemporáneas. Partícipe e cofundador respectivamente de “A Galga” e “Gruporzán”. Representante da xerazón que se dá a coñecer na década dos oitenta, tras comeza-la súa experimentación plástica na inmediatamente anterior. Galán irá creando unha obra que transita por distintas etapas: o tecido en volume, o metal, e materiais translucidos como, plástico ou cristal. Forma parte da Comisión executiva da Asociación de Artistas AGAV, iniciando unha etapa de compromiso a prol da política cultural e social do artista. Integrase na Plataforma Burla Negra, realizando accións de activismo cultural. Contribúe a creación da revista de arte Arnotes, de difusión internacional, editada en Galiza. Deseña entre outros, os premios AGAPI 1999, para Asociación Galega de Produtoras Independentes, Escultura institucional honorífica da CRMH AC, (...) Bolseiro pola Fundación Arte e Dereito. Dirixe obradoiros e colabora en cursos para a Deputación da Coruña, MACUF Museo de Arte Contemporánea Unión Fenosa, CEFORE Xunta de Galiza, (...) Leva a cabo instalaxes efémeras na urbe, así como, en espazos naturais. Premiado no concurso de ideas para realizar o monumento as vítimas da represión franquista en O Portiño. Recibe diferentes encargos para espazos públicos como, esculturas e murais de grandes dimensións, executadas especialmente en aceiro cortén... Obra Pública: Ferroetecido en liña curva 1990 no Centro de Saúde de Cerceda, A copa do Sol 1994 Parque escultórico da Torre de Hércules da Coruña, Vieiros de seu 1999 Praza de San Domingos en Lugo, Remando cara ao vento 2006 Paseo Marítimo de Neda Ferrol, ou Mortos do Portiño 2008 no Portiño, A Coruña. Exposicións individuais: Entre 1984 e 2008 efectúa múltiples exposicións personais, parte delas son as series: Tecido e tensión, Ferroetecido, O dentro pechado, Fendas e ancoras no vento, Para-brisa ou Mayday. Exposicións colectivas: A súa obra foi mostrada en, España, Portugal, Italia e Francia. Museos, Coleccións Públicas e Privadas: Selección; Museo Carlos Maside, Sada A Coruña. Colección Banco Exterior de España. Fondos Biblioteca Nacional Madrid, Museo de Arte Contemporanea Unión Fenosa A Coruña, Colección Fundación Caixanova Vigo. (...) |
