Presentación da Enciclopedia do Anarquismo Español Sábado, 15 de novembro de 2008, ás 19 horas Na Agrupación Cultural Alexandre Bóveda (Rúa Olmos, 16-18, 1º . A Coruña ) Presentaráse a Enciclopedia Histórica do Anarquismo Español de Miguel Íñiguez Neste acto, que organiza a CRMH da Coruña, estará presente o autor, Miguel Íñiguez, que será presentado polo historiador ferrolán Eliseo Fernández .
A obra “Enciclopedia Histórica del anarquismo español” é a nova edición dun traballo que Miguel Iñiguez ten entre mans dende hai máis de 20 anos. En 2002 a Fundación Anselmo Lorenzo presentou a primeira versión desta obra baixo o título de “Esbozo para una enciclopedia histórica del anarquismo español”. Agora sae á rúa esta nova edición, completada co esforzo de máis de seis anos, que se concretou nun traballo coas seguintes características:
- Tres volumes encadernados en cartulina, nunha caixa de cartón.
- 2.000 páxinas tamaño folio en tres columnas e máis de 250 páxinas de fotografías.
- 50.000 entradas (activistas, xornais, plenos, congresos, organizacións, eventos, etc), acompañadas cada unha delas da bibliografía correspondente.
- 3.000 ilustracións, tanto de facsímiles de xornais antigos e modernos como retratos, carteis, congresos, mitins, maifestacións,...
- A obra vai prologada por Juan Gómez, inclúe unha “Carta ao autor” do historiador ferrolán Eliseo Fernández e remata cunha extensa “Introducción” de Ignacio Soriano.
Máis información sobre a obra na páxina web: www.navioanarquico.org
Miguel Iñiguez, rioxano da colleita do 48, leva máis de media vida residindo en Vitoria. Experto lingüista, gánase a vida como catedrático desta materia. Afeccionado aos libros en xeral, e aos de Quevedo en particular. Foi un dos sete que en 1976 reorganizou a CNT en Vitoria. É membro da Asociación Isa ac Puente e na actualidade continúa a ser militante confederal.
Ademáis da primeira edición deste traballo baixo o título "Esbozo de una enciclopedia histórica del anarquismo español", Miguel Íñiguez ten publicado tamén os libros "Isaac Puente : médico rural, divulgador científico y revolucionario" (Vitoria: Papeles de Zabalanda, 1996), "La prensa anarquista en el País Vasco, La Rioja y Navarra" (Vitoria: Asociación Isa ac Puente, 2001) e "Anarquismo y Naturismo, el caso de Isa ac Puente" (2004). Ten publicado artigos en publicacións como "CNT", "Solidaridad Obrera", "Orto", "Polémica", "Bicel", "El anarcosindicalista" y " La Oveja Negra ".
O traballo de Miguel Íñiguez presta unha especial atención a Galiza e, moi especialmente, á cidade da Coruña, na que o desenvolvemento das ideas libertarias tivo unha singular importancia –a CNT tiña 15.000 afiliados e numerosos ateneos- ata o golpe militar de 1936. A obra inclúe biografías de militantes destacados do anarquismo galego, como Marcial Lores, José Sanjurjo, José Suárez Duque, José Claro Sendón, Ricardo Mella, Manuel Fandiño, mais tamén acolle nas súas páxinas a centos e centos de militantes que ata o día día hoxe estaba sumerxidos no anonimato. Ademáis, a obra recolle información sobre a práctica totalidade dos xornais libertarios publicados na Galiza.
|
