Unha parodia teatral pedirá a devolución do Pazo de Meirás

Nova emitida na TVG 05/08/2008 - 14:45

A Comisión pola Memoria invitará á súa protesta a Jimmy Giménez-Arnau.

O pazo de Meirás será o venres o escenario da voda da bisnieta de Franco, Leticia Giménez-Arnau Martínez-Bordiu, motivo polo que a Comisión pola Recuperación da Memoria Histórica da Coruña realizará ante a porta principal do recinto "unha segunda voda" coa que reclamará a devolución desa propiedade ao patrimonio público. "Realizar aquí unha voda é un acto de provocación da familia Franco, que quere deixar claro que o pazo é seu", asegurou onte Manuel Monge, presidente da Comisión.

Lograr a devolución é o obxectivo de "este acto reivindicativo e festivo" no que se entregará a todos os asistentes un folleto informativo onde se explica a forma na que o pazo foi adquirido polo ditador.

Monge avanzou ademais que desde a comisión están en contacto con Jimmy Giménez Arnau, pai da noiva, "que como non está invitado á oficial é posible que queira vir a esta". Segundo o presidente desta asociación, "parece que o pai está a favor da devolución do pazo".

Ligazóns relacionadas

La Voz de Galicia