A CRMH reivindica a constitución do Consello Coruñés da Memoria A Comisión pola Recuperación da Memoria Histórica da Coruña (CRMH) reivindicará a constitución do Consello Coruñés da Memoria na
3ª Marcha Cívica pola supresión da simboloxía franquista, que se celebrará o sábado, 5 de xullo. Esta marcha, que terá un carácter festivo e reivindicativo, comezará ás 12 da mañá na praza de Cánovas Lacruz –no lateral de Capitanía, na Cidade Vella- recorrerá o Parrote ata a praza de María Pita e rematará diante do monumento a Millán Astray.
Como xa se solicitou ao Alcalde, en escrito enviado o 31 de xaneiro de 2008, a CRMH considera que entre os obxectivos deste Consello estarían o fomento de valores e principios democráticos, a promoción do coñecemento e reflexión sobre o noso pasado, para evitar que se repitan situacións de intolerancia e violación de dereitos humanos, e a preservación de documentos relacionados con ese período histórico. Ademais dunha representación dos grupos municipais, este Consello Coruñés da Memoria debería estar aberto á participación de entidades e historiadores que traballan na recuperación da memoria histórica. Un dos traballos deste Consello sería a elaboración dunha relación de rúas relacionados co franquismo, ou que homenaxean aos vencedores, para a súa substitución por outras democráticas.
Este Consello ou Comisión da Memoria está a funcionar en moitos concellos; en Oviedo, por exemplo -por iniciativa do Alcalde do PP, onde goberna este partido con maioría absoluta- esta Comisión de onde expertos elaborou un informe onde propón a eliminación de varias placas e monumentos, entre eles unha estatua do tenente coronel Teijeiro, e 28 rúas franquistas. A xuízo da CRMH o tema da supresión da simboloxía franquista non pode quedar reducido aos grupos municipais, a través da Comisión de Honores e Distincións, como adiantou o alcalde Javier Losada; debe abrirse á sociedade.
A CRMH da Coruña considera que habería que cambiar estas 30 rúas franquistas:
Generalísimo
Millán Astray
Mola (praza e rúa)
Sanjurjo
Primo de Rivera
Cánovas Lacruz
Gómez Zamalloa
Almirante Vierna
Teniente Coronel Teijeiro
Cabo Santiago Gómez
Calvo Sotelo
Comandante Barja
Cabo Ponte Anido
José Toubes
Arcadio Vilela
Salvador e Merino
Pepín Rivero
Salgado Torres
Castillo de Olite
Fuente Álamo
Juan Canalejo
Alferez Provisional
Sargento Provisional
Disciplina
Caídos (praza e avenida)
División Azul
Un cordial saúdo. A Coruña, 4 de xullo de 2008
|
