Comisión pola Recuperación da Memoria Histórica da Coruña

O 8 de Setembro de 1916 naceu José nunha familia mariñeira e pescadora. Foron seis irmáns, tres mulleres, Carmen, Nieves, Amalia e tres homes, Víctor, Rafael e José. Viviron en Loureiro (San Pedro de Visma, na Coruña), pero cando levaron a buceta (1) para Riazor, dende O´Portiño, mudáronse a casa de Labañou. Alí seus pais José Souto e Amalia Souto tiñan unha horta,onde cultivaban nabizas.

As mulleres vendían o peixe que os homes da familia, na súa pequena embarcación, pescaban, que, xunto cas nabizas, era o motor da economía familiar.

Ó chegar a República entrou na familia José Longueira Bermúdez, que casou con Nieves. Tiveron dúas fillas, Chiruca e Marisa...