Boletín CRMH XAN-ABR-2012 (5)
Informe das Fosas de Aranga (2036)
Sipnose do documental MEMORIAS ROTAS (72)
Invitación estrea documental MEMORIAS ROTAS no Rosalía de Castro na Coruña (69)
Ollar todo 11 Abr 2010 |
O alcalde de Puerto Real considera que o Rei é un "corrupto
|
O alcalde de Puerto Real considera que o Rei é un "corrupto" O alcalde de Puerto Real (Cádiz), José Barroso (EU), reiterou hoxe en Alxeciras as mesmas acusacións de "corrupción" e "enriquecemento ilegal" contra o Rei Juan Carlos, polas que foi condenado en 2009 a pagar unha multa de 6.840 euros por un delito de inxurias graves. Barroso interveu nun acto de izada da bandeira republicana na praza da Constitución de Alxeciras, organizado polo Comité Local de Partido Comunista de Andalucía e as Mocidades Comunistas de Alxeciras no marco da conmemoración do aniversario da II República. "O obxectivo é a liquidación moral do Borbón, que é corrupto, porque procede dunha dinastía corrupta e polo seu comportamento diario", afirmou Barroso na súa alocución ante un centenar de persoas, segundo as cifras dos organizadores. Posteriormente e en declaracións a Efe, o alcalde de Puerto Real reafirmouse nas súas afirmacións e asegurou non temer as posibles consecuencias xudiciais das súas palabras. "Para que isto algún día deixe de verse desde outra perspectiva non son necesarios heroes nin xente con afán de protagonismo senón simplemente persoas que digamos as cousas como son", indicou. O xuíz central do penal da Audiencia Nacional José María Vázquez Honrubia, condenou en xuño de 2009 a Barroso a pagar unha multa de 6.840 euros por un delito de inxurias graves ao Rei, ao que cualificou de "corrupto" e "deleznable" nun acto de conmemoración da II República, o 14 de abril de 2008, na localidade gaditana de Los Barrios.
|
