Comisión pola Recuperación da Memoria Histórica da Coruña

Visibilizar as vítimas da Historia

A infamia do Curro no 36 sae á luz da man da ARMH

Voluntarios da Asociación para a Recuperación da Memoria Histórica atoparon onte os primeiros restos humanos nunha foxa situada na localidade de Curro, Concello de Barro. Segundo indicaron nun comunicado, os restos apareceron "no lugar exacto sinalado polos testemuños". Agora, un equipo dirixido polo arqueólogo René Pacheco, levará a cabo os labores de escavación da foxa e a exhumación.

O equipo confía en atopar os restos de dous homes, asasinados o 15 de setembro de 1936 e cuxos certificados de defunción figura como causa da morte "unha hemorraxia interna".

O outro corpo sería o de Ramón Barreiro, de 19 anos, solteiro, que escribía en noticias locais e "era coñecido pola acidez da súa literatura". Foi delatado por un cuñado da súa nai, á que violaron e raparon a cabeza ao cero para obrigalo a "cantar". Tamén o seu pai sufriu malleiras co mesmo obxectivo. Antes de enterralo, cortáronlle un dedo para roubarlle o anel que portaba.