|
Benchegados a páxina da CRMH da Coruña
|
O "Juan Canalejo" pasará a chamarse Complexo Hospitalario A Coruña A Xunta destaca que o cambio de nome non suporá un gasto nin afectará ao prestixio do Canalejo
A Consellería de Sanidade creu oportuno o cambio de designación do centro, ao darlle o nome da cidade onde está e para homoxeneizar as denominacións dos hospitais. EFE. A Voz de Galicia 17/07/08  O decreto farase efectivo 20 días logo da súa publicación no Diario Oficial de Galicia. A Xunta destaca que a aprobación da norma non xera gasto engadido nin require partidas orzamentarias específicas, por canto as actuacións materiais concretas a seguir faranse de forma progresiva e con cargo ás dotacións orzamentarias xa previstas.
Desta forma, os custos que orixinen os cambios iranse asumindo coa reasignación dos créditos orzamentarios do Servizo Galego de Saúde.
Este organismo entende que o cambio de denominación do centro non vai afectar ao seu prestixio, xa que o traballo dos seus profesionais, di a nota, seguirá sendo o mesmo e manterase o seu recoñecemento internacional.
«Incorporar á súa denominación oficial o nome que a cidade que o acolle non será máis que oficializar unha práctica habitual en toda a comunidade científica na que, xunto ao nome oficial do centro, noméase a cidade que o acolle».
Finalmente, o Sergas destaca que, a partir de agora, a cidade da Coruña estará oficialmente unida ao seu hospital, como sucede na maioría dos centros sanitarios públicos que teñen o nome da urbe en que están asentados. |
|
|
Video III Roteiro da Vergoña Por cortesía de GZ Videos poñemos a vosa disposición o video realizado por eles sobor o III Roteiro da Vergoña
A Comisión pola Recuperación da Memoria Histórica da Coruña organizou o pasado sábado 5 de Xullo un “Roteiro da vergoña” que vindicou a eliminación do rueiro da cidade de calquera referencia ou símbolo franquista que aínda perdure (e son moitos os casos, como a rúa General Sanjurjo, División Azul, Alférez Provisional, o hospital Juan Canalejo… mentres que o edificio do concello conserva intactas as vidreiras co escudo franquista e considera aínda como fillo predilecto ao dictador). Varios ilusionistas, entre os que se atopaba o mago Antón, acompañaron a marcha, e incluso conseguiron que a estatua de Millán Astray (fundador da Legión española) desaparecera misteriosamente. Iso e moito mais no video que editamos. GzVideos |
|
III ROTEIRO DA VERGOÑA. Sábado 5 de Xullo as 12:00 horas O Mago Antón fará 'desaparecer' a simboloxía franquista Texto. Redacción A Nosa Terra.org  O vindeiro sábado, a Comisión pola Recuperación da Memoria Histórica da Coruña celebra a Terceira edición do chamado 'Roteiro da Vergoña' no que percorren a aínda ampla simboloxía franquista que sobrevive na cidade. Nesta edición, a novidade estará na participación do Mago Antón, que mediante a maxia fará desaparecer os símbolos da ditadura durantes uns minutos. Segundo a CRMH: "Despois de que o tema da simboloxía franquista fose tratado polo Pleno de corporación municipal da Coruña en 26 ocasións; despois de que PSOE e PP rexeitaran conxuntamente en numerosas ocasións revogar os acordos que declaraban ao Ditador Franco como Alcalde Honorario, Fillo Adoptivo e Predilectísimo da Coruña; despois de que pasasen 27 anos desde a aprobación dunha lei sobre o escudo constitucional e que continúe o escudo franquista na entrada principal do palacio municipal de María Pita; despois de que o Alcalde se negue á desaparición inmediata da estatua de Millán Astray e siga empeñado na súa exhibición pública nun museo; despois de enviar unha carta en xaneiro de 2008 ao Alcalde da Coruña para que aplique a Lei da Memoria Histórica e retire toda a simboloxía franquista –non unha parte- dunha forma pública e digna, é dicir, por acordo do Pleno da corporación, a Comisión pola Recuperación da memoria Histórica da Coruña decidiu recorrer á maxia para conseguir os seus obxectivos e contará coa colaboración do Mago Antón para suprimir toda a simboloxía franquista da Coruña". Nos últimos días, o alcalde da Coruña retirou algúns símbolos franquistas e dixo que se faría cumprir a lei de memoría histórica, mais por agora eses pasos foron apenas perceptibles. Ligazóns relacionadas III Roteiro da Vergoña O Mago Antón fará desaparecer a simboloxía franquista
|
|
|
Maxia contra a simboloxía franquista "La Opinión".- Coruña 5 de Xullo do 2008 
A Comisión pola Recuperación dá Memoria Histórica (CRMH) organizou hoxe a Terceira Marcha Cívica pola supresión da Simboloxía Franquista na Coruña e, segundo os seus cálculos, unhas 200 persoas participaron na ruta por varias rúas e presenciaron os "trucos de ilusionismo" de catro magos que, a modo "simbólico", fixeron "desaparecer" algúns elementos da etapa da ditadura.
EUROPA PRESS. A Coruña Pasados uns minutos do mediodía a marcha cívica iniciou o seu percorrido na praza de Cánovas Lacruz, onde os asistentes rexeitaron esta denominación que se corresponde cun coronel ascendido a xeneral polo ditador Francisco Franco. Por iso, neste punto reivindicouse simbólicamente o nome de 'Traza do cárcere'.
Os participantes na iniciativa da CRMH chegaron seguidamente á praza de María Pita, onde se sitúa a sede municipal coruñesa, e neste lugar o mago Antón e dos magos Romarís, Martín Camiña e Cali realizaron varios actos de ilusionismo.
|
|
Ler máis...
|
|
Simboloxía franquista por Manuel Monge, presidente da CRMH da Coruña Artigo de opinón publicado no "Ideal Gallego" do 25 de xuño do 2008  
Moita xente pregunta cómo é posíbel que despois de trinta anos de democracia e vinte e sete da promulgación dunha lei sobre o escudo constitucional de España, aínda teñamos na Coruña escudos ilegais e a cidade chea de simboloxía franquista. A explicación é ben sinxela; cando un grupo de estudantes facía en 1999 unha recollida de firmas para que se retirasen das rúas as placas de personaxes do réxime franquista, a concelleira Carmen Marón xustificaba esta situación: “La convivencia con estos nombres es un síntoma de tolerancia”.
A Lei da Memoria Histórica denuncia á ditadura franquista, así como a violación de dereitos humanos, e acaba con estas teorías da tolerancia co franquismo, da convivencia das rúas que homenaxean a golpistas e verdugos coas que lembran ás vítimas. Esta lei desautoriza, xa que logo, a política seguida durante vinte e catros anos polo Goberno municipal da Coruña.
Tomaba un café cun concelleiro do PSOE e dicíame: “A ver, Manolo, cando retiramos a estatua dese fascista”(referíase a Millán Astray). E o concelleiro e presidente da Deputación, Salvador Fernández Moreda, ante unha pregunta dunha xornalista, contestaba que non sabía por qué non se retiraron os símbolos, placas, estatuas e rúas franquistas da Coruña. Que pouca memoria! Non lembraban que os dous votaron co PP, en numerosas ocasións, impedindo que se revogase a concesión a Franco do título de Fillo Adoptivo e Predilectísimo da Coruña; que se retirase a estatua de Millán Astray e cambiasen as rúas dedicadas á División Azul, Caídos, Sanjurjo, Mola, etc.
|
|
Ler máis...
|
|
|
|
|
|
|
Páxina 1 de 5 |
Copyright © 2008 Comisión pola Recuperación de Memoria Histórica da Coruña. Todos os dereitos reservados.
|
|
Contadores
Membros : 37
Contido : 83
Ligazóns Web : 94
Contidos vistos : 10424
Libros:18
Videos :81
Arquivos :24
Fotos Albums :163
Tódalas visitas
| Visitas | | [+/-] | Hoxe:
Onte:
Antonte: | 4
84
101 |
-17 | Ista semán:
A semán pasada:
A semán anterior: | 323
610
678 |
-68 | Iste mes:
O mes pasado:
O mes anterior: | 2221
2674
4183 | -453 |
Tódalas visitas | | | | dende | 13 801 | | 15/03/08 | 13 801 |
|
Maxia contra o franquismo (El País) (0)
Audiovisuales sobor a guerrilla antifranquista (42)
Documental O resplandor das Atochas xvid/video 43 min. (272)
